రజనీకి ‘షారుక్’ బిఎమ్‌డబ్ల్యూ

‘రా.వన్’ చిత్రంలో నటించిన వారికి షారుక్ ఖాన్ ఖరీదైన బహుమతులు అందిస్తున్నాడు. షారుక్‌ఖాన్ కథానాయకుడిగా అనుభవ్ సిన్హా తెరకెక్కించిన చిత్రం ‘రా.వన్’  చిత్రం ఇటీవలే విడుదలైన విషయం తెలిసిందే. ఈ చిత్రానికి పనిచేసిన వారి కోసం షారుక్‌ఖాన్ అత్యంత ఖరీదైన బిఎమ్‌డబ్ల్యూ 7 సిరీస్ కార్లని బహుమతిగా అందిస్తున్నాడట.

ఇప్పటికే ఈ చిత్రానికి దర్శకత్వం వహించిన అనుభవ్ సిన్హాకు, అలాగే విలన్‌గా నటించిన అర్జున్ రాంపాల్‌కు బిఎమ్‌డబ్ల్యూ 7 సిరీస్ కార్లని బహుమతిగా అందజేసిన షారుక్ ‘రా.వన్’లో చిట్టీగా అతిథి పాత్ర పోషించిన రజనీకాంత్‌కు కూడా బిఎమ్‌డబ్ల్యూ 7 సిరీస్ కార్‌ని ప్రత్యేక బహుమతిగా అందించబోతున్నాడట. ఈ సందర్భంగా షారుక్ మాట్లాడుతూ ‘ ఇటీవల అనారోగ్యానికి గురైన రజనీ తేరుకున్న తర్వాత తొలిసారిగా నేను నటించిన ‘రా.వన్’ చిత్రంలో నటించడం చాలా ఆనందంగా వుంది. నా కెరీర్‌లో ‘రా.వన్’ ను ప్రత్యేకమైన చిత్రంగా భావిస్తున్నాను’ అని తెలిపారు.