ఒబామాకు బంపర్ అఫర్

అమెరికా అధ్యక్షుడు బరాక్‌ ఒబామాకు బంపర్ అఫర్ తగిలింది. ఒబామాకు ‘క్రొకడైల్‌ అటాక్‌ ఇన్సురెన్స్‌ పాలసీ’ని ఒక కంపెనీ అందజేయనుంది. ఈ పాలసీ కింద ప్రమాదవశాత్తు మొసళ్లు అధ్యక్షునిపై దాడి చేస్తే 50,870 అమెరికా డాలర్లను నష్టపరిహారంగా చెల్లిస్తామని కంపెనీ తెలిపింది. ఈ అద్భుతమైన పాలసీని ఒబామా లాంటి ప్రముఖులకు ఇచ్చేందుకు ఆతృతగా వేచిచూస్తున్నామని ఆ కంపెనీ చీఫ్‌ ఎగ్జిక్యూటివ్‌ రిచర్డ్‌ హార్డింగ్‌ అన్నారు. ఈ మొసళ్ల బీమా 20ఏళ్ల పాటు ఉంటుందని ఆయన తెలిపారు

ఆస్ట్రేలియాలో అటవీ ప్రాంతం, మొసళ్లు ఎక్కువగా ఉండే డార్విన్‌ పట్టణం, రాజధాని కాన్‌బెర్రా ప్రాంతాలలో ఒబామా రెండు రోజుల పాటు పర్యటిస్తారు. అందుకే ఒబామాకు కంపెనీ పాలసీని అందించేందుకు రెడీ అవుతోంది.