మమతామోహన్‌దాస్ పెళ్లి కుతురాయనే...

"తూనీగ తూనీగ ఎందాక పరిగెడతావే... రావే నా వంక’ అంటూ చిన్నప్పుడు మమతామోహన్‌దాస్, ప్రజిత్ మలయాళంలో పాడుకుని ఉంటారు. అప్పటి ఈ బాల్య స్నేహితుల అనుబంధం... పెద్దయ్యాక ప్రయణబంధంగా మారింది. ప్రస్తుతం మమతా దక్షిణాదిన తిరుగులేని హీరోయిన్. ప్రజిత్ విజయవంతమైన వ్యాపారవేత్త. అయితే ఆయన బహ్రెయిన్‌లో బిజినెస్ మాన్‌గా ఉన్నారు. మమతా తల్లిదండ్రులు గంగ, మోహన్‌దాస్ కూడా అక్కడే ఉండటంతో... షూటింగ్స్‌కి గ్యాప్ దొరికినప్పుడల్లా మమత బహ్రెయిన్ వెళుతుంటారు. 

అప్పుడే తన బాల్య స్నేహితుడ్ని ఆమె కలుస్తూ ఉండేవారనుకుంటాను. ఏమైతేనేం - ఆ స్నేహితులు ఇప్పుడు ఒకింటివారు కాబోతున్నారు. పెళ్లి తేదీ ఎప్పుడో ఇంకా తెలియదు కానీ నిశ్చితార్ధం మాత్రం నేడే (శుక్రవారం) కేరళలోని కొచ్చిలో మధ్యాహ్నం 12 గంటల తర్వాత జరగనుంది. తను పెళ్లి చేసుకోబోయే అబ్బాయి పేరును గురువారం వరకు మమత రహస్యంగా ఉంచడం గమనార్హం. ప్రజిత్‌కి కొచ్చిలో కూడా వ్యాపారాలున్నాయి. రెండు మూడు రంగాల్లో ఆయన వ్యాపారాలు కొనసాగిస్తున్నట్లు తెలిసింది. తమ నిశ్చితార్ధ వేడుక తీపి గుర్తుగా నిలిచిపోవాలనే ఆకాంక్షతో కాబోలు 11-11-11న ఈ వేడుకను ఫిక్స్ చేసుకున్నారు.